સુરતના કામરેજ ચાર રસ્તા વિસ્તારમાં આવેલા નહેર રોડથી બાપા સીતારામ ચોકમાંથી ચોરીની મોપેડ સાથે, અમદાવાદના બાપુનગર પોલીસ મથકના મોટરસાઇકલ ચોરીના યુવકને ચોરીની ગાડી સાથે કામરેજ પોલીસે ઝડપી લઈ કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, કામરેજ પોલીસ સ્ટેશનના પી.આઇ.ની આગેવાનીમાં કામરેજ પોલીસ મથકના કર્મીઓ જુદા-જુદા વિસ્તારમાં પેટ્રોલીંગમાં હતા. તે સમય દરમિયાન મળેલ ખાનગી બાતમીના આધારે, કામરેજ ચાર રસ્તા વિસ્તારમાં આવેલા નહેર રોડથી બાપા સીતારામ ચોકમાંથી ચોરીની મોપેડ સાથે એક યુવક પસાર થવાનો છે. જેને કાળા કલરનું શર્ટ અને પેન્ટ પહેરેલુ છે. જે બાતમીના આધારે કામરેજ પોલીસ સ્ટાફના માણસોએ યુવકને તે સ્થળેથી ઝડપી લીધો હતો. ત્યારબાદ પોલીસની પૂછપરછ દરમિયાન યુવકનું નામ મેહુલભાઈ ભુવનભાઈ ગોહિલ (ઉ.વ.25, રહે. જે.બી.ફાર્મ, બાપા સીતારામ ચોક કામરેજ) હોવાનું જાણવા મળ્યું હતુ. પકડાયેલા યુવક પાસેથી નંબર વગરની એકટીવા મોપેડ જેની કિંમત રૂપિયા 40 હજાર હતી જે પોલીસે કબ્જે કરી હતી. પકડાયેલા યુવક પર અમદાવાદના બાપુનગર પોલીસ સ્ટેશનમાં ઇ.પી.કો.374 હેઠળ ગુનો દાખલ કર્યો  હતો. જેથી કામરેજ પોલીસ દ્વારા તે આરોપીને અમદાવાદના બાપુનગર પોલીસ મથકે સોંપવામાં આવ્યો હતો.