સુરત જિલ્લાના પલસાણા તાલુકાનાં જોળવા ખાતે આવેલ સ્વર્ગ રેસીડન્સીમાં રહેતા એક યુવાને કોઈ અગમ્ય કારણસર વીજપોલ સાથે શર્ટ બાંધી ગળે ફાંસો ખાઈ આત્મહત્યા કરી લીધી હતી.

સુત્રો પાસેથી મળતી માહિતી અનુસાર, પલસાણા તાલુકાનાં જોળવા ખાતે આવેલ સ્વર્ગ રેસીડન્સી વિભાગ-2માં રહેતા મહેશભાઇ સીતારામભાઇ બંજારા (ઉ.વ.38) નાઓએ કોઈ અગમ્ય કારણસર રાત્રિના સમયે તેમના ઘરની સામે ખુલ્લી જગ્યામાં આવેલ વીજપોલ સાથે શર્ટ બાંધી ગળે ફાંસો ખાઈ આત્મહત્યા કરી લીધી હતી. ઘટના અંગે તેમની પત્ની સરલાબેને પલસાણા પોલીસને જાણ કરતાં પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.