સુરત જિલ્લાના માંગરોળ તાલુકાનાં ભીલવાડા ગામમાં વીજ કરંટ લાગતાં એક ભેંસનું ઘટના સ્થળે મોત થયું હતું. ચારો ચરવા ગયેલી ભેંસ ઇલેક્ટ્રીક ટ્રાન્સફોર્મર (ડી.પી)ને અડી જતાં વીજ કરંટ લાગ્યો હતો.

માંગરોળ તાલુકાનાં ભીલવાડા ગામે પાણી આંબલી ફળિયામાં રહેતા, હર્ષદભાઈ પ્રભાકરભાઈ પંડ્યા જેઓ ખેતી અને પશુપાલનનો વ્યવસાય કરે છે અને તેમને ત્યાં કામ કરતો ગોવાળ ભેંસોને ચરાવવા લઈ જઈ રહ્યો હતો. ત્યારે ગ્રામપંચાયત મકાન નજીક આવેલ ખુલ્લી જગ્યામાંથી ભેંસ પસાર થઈ રહી હતી. તે સમયે ભેંસ ઇલેક્ટ્રીક ટ્રાન્સફોર્મર (ડી.પી)ને અડી જતાં વીજ કરંટ લાગતા ભેંસનું મોત નીપજયું હતું.