બારડોલી તાલુકાનાં બાબેન ગામે પ્રાથમિક શાળાની બાજુમાં લારી પર ચોકલેટ બિસ્કીટનું વેચાણ કરી ગુજરાન ચલાવતી આધેડ મહિલાને ટક્કર મારતા મહિલાની લારીમાં રાખેલો તમામ સામાન તેમજ મહિલા જમીન પર પડી જતાં મહિલાને કમરના ભાગે ઇજાઓ થઈ હતી. ઘટનાની જાણ થતાં જ બારડોલી પોલીસ ઘટના સ્થળે પહોંચી મહિલાને સારવાર અર્થે ખસેડી હતી. બનાવની વિગત એવી છે કે, બાબેન પ્રાથમિક શાળા નજીક વિદ્યાર્થીઓ માટે લારી ગોઠવી ટીકળી, ચોકલેટ વગેરે વેચી પોતાનું ગુજરાન ચલાવતી આધેડ મહિલા ગતરોજ પોતાની લારી ગોઠવી વેપાર માટે બેઠી હતી.તે સમયે એક સ્વિફ્ટ કાર ચાલક પુરઝડપે આવી જતાં સ્ટેરીંગ પરથી કાબૂ ગુમાવ્યો હતો અને મહિલાને અડફેટે લેતા મહિલા તેમજ લારીમાં વેચાણ માટે રાખેલો સામાન નીચે રસ્તાની બાજુમાં પડી ગયો હતો જેમાં મહિલાને ઇજા થઈ હતી. આસપાસના લોકોનું ટોળું ભેગું થઈ ગયું અને 108ની મદદથી ફોન કરતાં 108 કોઈક દર્દીને લઈ મહુવા હોવાથી મોડુ થાય એમ હતું જેથી બારડોલી ટ્રાફિક વિભાગના પોલીસ જવાને મહિલાને સારવાર અર્થે તાત્કાલિક બારડોલીની સરદાર હોસ્પિટલમાં ખસેડી માનનાવતા મહેકાવી હતી.