બારડોલી તાલુકાનાં બાબેન ગામે રાજીવનગર ગલી નંબર-2માં જૂના ટાયરના ભંગાર લેવા બાબતે બે પરિવારો બાખડ્યા હતા. જેમાં ચાર શખ્સોએ એક યુવકને માર મારતા હોસ્પિટલમાં દાખલ કરવાની ફરજ પડી હતી. ઘટના અંગે બારડોલી પોલીસે ઇજાગ્રસ્તની ફરિયાદના આધારે ગુનો નોંધી આગળની તપાસ હાથ ધરી હતી.  

 

 

 

સુત્રો પાસેથી મળતી માહિતી અનુસાર, બારડોલી તાલુકાનાં બાબેન ગામે રાજીવનગર ગલી નંબર-2માં રહેતો, મુસ્તાક જમીલ શેખ ગત 5મી જુલાઈના રોજ ઘરે હાજર હતો. તે સમયે તેમના ઘરે રઝાક શુભાનભાઈ શા અને જાબીર રમઝૂભાઈ શા આવ્યા હતા અને ગાળાગાળી કરી તારા ભાઈ ઇરફાને વેપારીને ભડકાવી અમારા જૂના ટાયરનો ભંગાર સામાન લેવાનો કેમ ના પાડે છે? તેમ કહી જાબીરે લોખંડના પાઇપથી જમણા પગના થાપાના ભાગે એક લોખંડનો ફટકો માર્યો હતો.

 

 

 

 

ત્યારબાદ ફારૂખ શાહ અને સલમાન શાએ આવીને ગાળાગાળી કરી હતી. અને જાનથી મારી નાખવાની ધમકી આપી નાસી છૂટ્યા હતા. મુસ્તાકે બારડોલી પોલીસ સ્ટેશનમાં ફરિયાદ કરતાં પોલીસે જાબીરભાઈ રમઝૂ શા, રઝાક શુભાન શા, ફારૂખ શુભાન શા અને સલમાન રમઝૂ શા વિરુદ્ધ ગુનો નોંધી આગળની તપાસ હાથ ધરી હતી.