સુરતમાં ડિંડોલી પોલીસને બાતમી મળી હતી કે, મોપેડ પર બે વ્યકિતઓ ચોરીના મોબાઇલ વેચવા માટે ફરી રહ્યા છે. આ હકીકતના આધારે પોલીસે વોચ ગોઠવીને એક યુવક સહિત બે ઈસમોને ઝડપી પાડ્યા હતા. પોલીસે તેઓની પાસેથી રૂપિયા 90,330/-ના 8 નંગ મોબાઇલ ફોન કબ્જે લીધા હતા. પોલીસે પુછપરછ કરતાં ડિંડોલી પોલીસ મથકની હદમાથી મોબાઇલ ચોરી કર્યા હોવાની કબુલાત કરી હતી. પોલીસે ઝડપી પાડેલા આરોપી પૈકી ડિંડોલી શિવ હિરાનગરમા રહેતો રોહીત યુવરાજ સપકાળે અને એક સગીર હોવાનું જણાવ્યું હતુ. જયારે સગીરે દિવાળીના તહેવારમાં મોજશોખ પુરા કરવા માટે મોબાઇલ સ્નેચીંગ કરતા હોવાની કબુલાત કરી હતી.