સુરતનાં કડોદરા ખાતે રહેતા પરપ્રાંતીય યુવાનને વીજ કરંટ લાગતાં મોત નીપજયું હતું. જોકે યુવાન હરીપુરા ગામે વાઈફાઈનો વાયર એક જગ્યાએથી બીજી જગ્યાએ ફિટ કરી રહ્યો હતો તે સમયે ઇલેક્ટ્રીક વીજ કરંટ લાગતાં તેનું મોત નીપજયું હતું. સુત્રો પાસેથી મળતી માહિતી અનુસાર, પલસાણા તાલુકાનાં કડોદરા ખાતે શ્રીનિવાસ રાધે રેસિડન્સીમાં ફ્લેટ નંબર-404માં અને મૂળ બિહારના વતની રણજીતકુમારસીંહ હરીનારાયણસીહ કુશ્વાહા (ઉ.વ.35) રહેતા હતા.

જોકે તેઓ 5 વાગ્યાની આસપાસ હરીપુરા ગામે આવેલ વિધાતા ઇંડસ્ટ્રીઝ વિભાગ-02માં સરસ્વતિ ક્રિએશન બિલ્ડિગની પાછળ ખુલ્લી સી.ઓ.પીની જગ્યામાં નીચે બિલ્ડિગ ઉપરનો વાઇફાઇવ વાળો વાયર એક જગ્યાએથી બીજી જગ્યાએ ફીટ કરવા વાયર કાઢી ખેચી લઈ જતા હતા.

ત્યારે ત્યા ઉપરથી પસાર થતી ઇલેક્ટ્રીક 66 KV વાળી હાઇટેંશન લાઇનના તાર સાથે વાયર અડી જતા હાઇટેંશન વાળો કરંટ લાગતા વાયર સાથે સળગી જતા આખા શરીરે ગંભીર રીતે દાજી જતા તેનું સ્થળ ઉપર જ મોત નીપજયું હતું. બનાવ અંગે કડોદરા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.