સુરત જિલ્લાનાં કામરેજ તાલુકાનાં નવી પારડી ગામે આવેલી રામદેવ સેન્થેટિક્સ કંપનીમાં કરંટ લગતા એક કામદારનું મોત નીપજયું હતું.

સુત્રો પાસેથી મળતી માહિતી અનુસાર, કામરેજ તાલુકાના નવી પારડી ગામમાં આવેલી રામદેવ સિન્થેટિક્સ કંપનીના રૂમમાં રહેતો રાજેન્દ્ર શારદા રામ (ઉ.વ.40) રાત્રે બાથરૂમ ગયો હતો જ્યાંથી પરત આવતા તેનો પગ લપસી જતાં દીવાલમાં લગાડેલો ફ્યૂઝમાં હાથ લાગી જતાં તેને કરંટ લાગ્યો  હતો. તેને સારવાર માટે તાત્કાલિક કામરેજની દીનબંધુ હોસ્પિટલમાં દાખલ કરવામાં આવ્યો હતો. જ્યાં સારવાર દરમ્યાન મોત થયું હતું. બનાવ અંગે પોલીસે અકસ્માત મોતનો ગુનો નોંધી આગળની તપાસ હાથ ધરી હતી.