સુરતનાં કઠોર ગામે આવેલ માનસરોવર રેસીડેન્સીમાં પાંચમાં માળે રહેતો શખ્સ તંબાકુ ખાઈ થુકવા જતાં નીચે પટકાતાં તેનું ગંભીર ઇજાનાં કારણે મોત નીપજયું હતું. સુત્રો પાસેથી મળતી માહિતી અનુસાર, કામરેજ તાલુકાનાં કઠોર ગામની સીમમાં માનસરોવર રેસીડેન્સી બીલ્ડીંગ નંબર-A/2 રૂમ-508માં પાંચમાં માળે રહેતા દીલીપભાઈ મનહરભાઈ ગઢીયા (ઉ.વ.35) કે જેઓ નોકરી કરી પોતાનું ગુજરાન ચલાવે છે.

તેમજ તેઓ મૂળ અમરેલી જિલ્લાના ખાંભા તાલુકાનાં તાતણીયા ગામના વતની છે. દીલીપભાઈ નાઓ શૈલેષભાઈ પટેલનાં મકાનનાની સામે આવેલ લીફ્ટ માટે બનાવવાની જગ્યા ઉપર તમ્બાકુ ખાઈને થુંકવા માટે ગયા હતા. તે સમયે તેને અચાનક ખેચ આવતા તેનો પગ લપસી જતા તે લીફ્ટની ખાલી જગ્યા ઉપરથી નિચે પડી જતા તેને માંથાના તથા નાકના ભાગે ગંભીર ઇજા થતાં સારવાર મળે તે પહેલા જ તેનું મોત નીપજયું હતું. બનાવ અંગે કામરેજ પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.