સુરતના બારડોલી તાલુકાનાં તાજપોર ગામે વિજતાર તૂટી પડ્યો હતો. આ જીવંત વિજતારને એક વાછરડું અડી જતાં તેનું ઘટના સ્થળે જ મોત નીપજયું હતું. બનાવ અંગે જાણ થતાં જ જી.ઇ.બી.ના અધિકારીઓ ઘટના સ્થળે દોડી આવી જરૂરી કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, બારડોલીના તાજપોર બુજરંગ ગામની સીમમાં બારડોલી-સરભોણ જતાં માર્ગ ઉપરથી પસાર થતી વીજ લાઇનનો જીવંત વિજતાર તૂટીને નીચે પડ્યો હતો. તે સમયે ચારો ચરી રહેલ એક વાછરડું આ વિજતારને અડી જતાં કરંટ લાગતા તેનું મોત નીપજયું હતું. આ અંગે ગ્રામજનોએ ફેન્ડસ ઓફ એનિમલ્સ વેલફેર ટ્રસ્ટના પ્રમુખને જાણ કરતા તેમને જી.ઈ.બી.ના અધિકારીને ઘટનાની જાણ કરી હતી. જેથી જીવંત વિજ તારથી કોઈ મનુષ્ય, પાલતું કે વન્યજીવનું મૃત્યુ ન થાય તે માટે તુરંત વિજપ્રવાહ બંધ કર્યો હતો અને જી.ઈ.બી.ના અધિકારી તેમની ટીમ સાથે તાજપોર બુજરંગ ગામે પહોંચી આગળની જરૂરી કાર્યવાહી હાથ ધરી હતી.