સુરત જિલ્લાના પલસાણા તાલુકાના કડોદરા શાંતિ નગરમાં આવેલ રાજુભાઇની બિલ્ડિંગના મકાન નંબર-177માં રહેતા સંજયભાઈ નટુભાઈ દેવરે (ઉ.વ.45) જે રાત્રીના 10 વાગ્યાના અરસામાં પોતાના મકાન નજીકથી નીચે પટકાયા હતા. જેઓને માથામાં ભાગે ગંભીર ઈજાઓ થતા પુત્ર રવિન્દ્ર પિતાને સારવાર અર્થે સ્મીમેર હોસ્પિટલમાં લઈ ગયો હતો જ્યાં તેઓનું ટૂંકી સારવાર દરમિયાન મોત નીપજ્યું હતું. ઘટના અંગે કડોદરા પોલીસે અકસ્માત મોત દાખલ કરી વધુ તપાસ હાથ ધરી હતી.