સુરતનાં કામરેજ તાલુકાનાં ઘલા ગામની સીમમાં ચારો ચરી રહેલ ભેંસને વીજ કરંટ લાગતાં તેનું ઘટના સ્થળે મોત થયું હતું. બનાવની વિગત એવી છે કે, કામરેજનાં ઘલા ગામે રામકિશન કોલોની ફળિયામાં રહેતા મંજુબેન સુરેશભાઇ રાઠોડ કે જેઓ મજૂરીકામ સાથે પશુપાલનનો વ્યવસાય કરે છે. જોકે તેઓ તેમની ભેંસને ચારવા માટે ગયા હતા.

તે સમયે નવા બનતા નેશનલ એક્સ્પ્રેસ નજીક દીપાભાઈના ખેતર નજીક ભેંસને ચરાવી રહ્યા હતા. તે સમયે જી.ઇ.બીના જીવંત વિજતાર જમીન ઉપર પડેલ હોય ચારો ચરતી ભેંસ આ વિજતારને અડી જતાં કરંટ લાગતાં 45 હજારની કિંમતની ભેંસનું મોત નીપજયું હતું. બનાવ અંગે કામરેજ પોલીસે આગળની કાર્યવાહી હાથ ધરી હતી.