સુરત જિલ્લાના બારડોલી નગરના સ્ટેશન રોડ વિસ્તારમાં આવેલ કોળીવાડ નજીકથી પસાર થઈ રહેલ રિક્ષાનું આગળનું વ્હીલ છૂટું પડી ગયું હતું. ત્યારબાદ રિક્ષા ડિવાઇડર ઉપર ચઢી ગઈ હતી અને લાઇટના થાંભલામાં ભટકાતાં થાંભલો તૂટી ગયો હતો. જોકે આ ઘટનામાં કોઈ જાનહાનિ થઈ ન હતી.

બનાવની માહિતી એવી છે કે, બારડોલી નગરના સ્ટેશન રોડ વિસ્તારમાં આવેલ કોળીવાડ નજીક રોડ ઉપરથી પેસેંજર બેસાડીને જઇ રહેલ એક રિક્ષાનું અચાનક આગળનું વ્હીલ નીકળી ગયું હતું અને રિક્ષા ડિવાઇડર ઉપર ચઢી ગઈ હતી અને ત્યારબાદ લાઇટના થાંભલા સાથે ભટકાઈ હતી. સર્જાયેલા અકસ્માતમાં લાઇટનો થાંભલો તૂટી ગયો હતો. જ્યારે રિક્ષા ચાલક અને પાછળ બેસેલ યુવકને સામાન્ય ઇજા પહોંચી હતી. રિક્ષા ભટકાતાં અવાજ આવતા જ આસપાસના લોકો ઘટના સ્થળે દોડી આવ્યા હતા. કોળીવાડના ચેતન પટેલ તેમજ અન્ય યુવકો સ્થળ ઉપર પહોંચી ઇજાગ્રસ્ત લોકોને સારવાર માટે લઈ ગયા હોવાનું જાણવા મળ્યુ હતું.