માંડવી તાલુકા ભાજપ દ્વારા વિવિધ મોરચાની વરણી કરવામાં આવી હતી. જેમાં કિસાન મોરચામાં માંડવી તાલુકા કિસાન મોરચાના પ્રમુખ તરીકે રાજપૂત સમાજના અગ્રણી અને તરસાડા ગામના દીનેશસિંહ મહિડાની વરણી કરવામાં આવી હતી.

ભારતીય જનતા પક્ષમાં વર્ષોથી નિષ્ઠા સાથે દિનેશસીહ મહિડા જોડાયેલા હતા. અગાઉ સને 2010થી 2013 સુધી માંડવી તાલુકા સંગઠન મહામંત્રી તરીકે ફરજ બજાવી હતી. તેમજ સને 2013થી 2015 સુધી સુરત જિલ્લા ભાજપના કારોબારી સભ્ય પણ રહ્યા હતા. ત્યારે હવે દિનેશસિંહ મહિડાની માંડવી તાલુકા કિસાન મોરચાના પ્રમુખ તરીકે વરણી થતા પંથકમાં ખુશીનો માહોલ જોવા મળ્યો હતો.