સુરત પાલ સ્થિત આરટીઓના ડ્રાઇવિંગ ટ્રેક પર ટેસ્ટ આપવા આવેલાં એક અરજદારે ટેસ્ટ પહેલાં જ કાર કચેરીના કેમ્પસમાં પાર્ક થયેલી કાર ઉપર ચડાવી દીધી હતી.

સુત્રો પાસેથી જાણવા મળ્યું હતું કે, આ શીખાઉ અરજદારે અકસ્માતને કારણે કારની ટેસ્ટ આપવામાંથી બાકાત રહી ગયો છે. પરંતુ આ અકસ્માતને કારણે ઓડી અને ટેસ્ટ માટે મેળવાયેલી અલ્ટો કારણે મોટુ નુકશાન થયું છે. ઓડી કાર આરટીઓ કચેરીએ બાકી ટેક્સની વસૂલાત માટે કબજે લઇને કેમ્પસમાં પાર્ક કરી હતી. ડ્રાઇવિંગ ટેસ્ટ આપવા આવેલા અરજદારે અન્ય અરજદાર પાસે વિનંતી કરીને કાર મેળવી હતી. આ અકસ્માતને કારણે કાર લઇને આવેલાં અરજદાર પણ ડ્રાઇવિંગ ટ્રેક પર ટેસ્ટ આપી શકે તેવી સ્થિતિમાં નથી.