સુરત જિલ્લાના બારડોલી તાલુકાનાં હિંડોલીયા ગામે રહેતા 52 વર્ષીય આધેડે સેજવાડ ગામની સીમમાં આવેલ પોતાના ખેતરમાં આંબાના ઝાડ સાથે વાયર બાંધી ગળે ફાંસો ખાઈ પોતાનું જીવન ટુંકાવ્યું હતું.

સુત્રો પાસેથી મળતી માહિતી મુજબ, બારડોલી તાલુકાનાં હિંડોલીયા ગામે પ્રજાપતિ ફળિયામાં રહેતા ગિરીશભાઈ પરભુભાઈ પ્રજાપતિ (ઉ.વ.52) નાઓ ખેતી કરી પરિવારનું ગુજરાન ચલાવે છે. તેમની આર્થિક સ્થિતિ બરાબર ન હોય તેમજ તેમના દીકરા-દીકરી કુંવારા હોય જેથી તેમના લગ્નનું ટેન્શન રહેતું હોવાથી તેમણે સેજવાડ ગામે આવેલ પોતાના ખેતરે પહોંચી આંબાના ઝાડ સાથે ઇલેક્ટ્રીક મીટરનો સર્વિસ વાયર બાંધી ગળે ફાંસો ખાઈ આત્મહત્યા કરી લીધી હતી. બનાવ અંગે તેમના પુત્ર કેવીને બારડોલી પોલીસને જાણ કરતાં પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.