સુરતના પલસાણા તાલુકાનાં વરેલી ગામની સીમમાં ગાર્ડન મિલથી વાંકાનેડા જવાના રસ્તા પર પૂરઝડપે આવી રહેલ એક ટેમ્પાના ચાલકે મોટરસાયકલને ટક્કર મારતા અકસ્માત સર્જાયો હતો. જોકે, મોટરસાઈકલ ચાલકનો આબાદ બચાવ થયો હતો. બનાવની વિગત એવી છે કે, પલસાણાનાં વરેલી ગામની સીમમાં આવેલ ગાર્ડન મિલથી વાંકાનેડા જવાના રસ્તે પૂરઝડપે આવતા ટેમ્પા નંબર જીજે/05/એટી/0682ના ચાલકે સામેથી આવતી મોટરસાયકલ નંબર જીજે/05/ઈએચ/4373ના ચાલકને ટક્કર મારતા મોટરસાયકલ ટેમ્પના આગળના વ્હીલમાં આવી ગઈ હતી જ્યારે મોટરસાયકલ ચાલક ફંગોળાઈને નીચે પટકાતા આબાદ બચાવ થયો હતો.