પલસાણા તાલુકાનાં તાંતીથૈયા ગામે આવેલ એક સોસાયટીમાં રહેતો યુવક પહેલા માળેથી નીચે પટકાતાં તેનું સારવાર દરમિયાન મોત નીપજયું હતું. સુત્રો પાસેથી મળતી વિગત મુજબ, પલસાણા તાલુકાનાં તાંતીથૈયા ગામે મહાદેવ સોસાયટીમાં 26 વર્ષીય સંતોષકુમાર વિનોદપ્રસાદ કુસ્વાહ રહે છે.

જોકે તેઓ ગત તા.21 મે ના રોજ પોતાના ઘરે પહેલા માળેથી નીચે પડી જતાં તેને માથાના તથા મોઢાના ભાગે ગંભીર ઇજા પહોંચતા તેને સારવાર માટે હોસ્પિટલમાં ખસેડવામાં આવ્યો હતો. જ્યાં તેનું સારવાર દરમિયાન મોત નીપજયું હતું. બનાવ અંગે કડોદરા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.

​