સુરત જિલ્લાના પલસાણા તાલુકાનાં બગુમરા ગામની હદમાં આવેલ પારેખ ઈન્ડસ્ટ્રીઝ-3 ખાતા નંબર-117-118માં કારખાનાની છતની પારા પેટ ઉપર બેસી ફોન પર વાત કરી રહેલ યુવક નીચે પટકાતાં તેનું સારવાર દરમ્યાન મોત નીપજયું હતું.

સુત્રો પાસેથી મળતી માહિતી અનુસાર, પલસાણા તાલુકાનાં બગુમરા ગામની હદમાં આવેલ પારેખ ઈન્ડસ્ટ્રીઝ-3 ખાતા નંબર-117,118માં કારખાનામાં કામ કરતો અને ત્યાં જ રહેતો યુવક સુકેશ શ્રી ચંદ્રપાલ (ઉ.વ.24) જે કારખાનાની છતની પારા પેટ ઉપર બેસી ફોન ઉપર વાત કરતો હતો. તે દરમિયાન અચાનક સંતુલન ખોળવાઇ જતા તે નીચે પટકાતા તેને શરીરે અને ગળાના પાછળના ભાગે ગરદને ઇજા થતા સારવાર માટે નવી સીવિલ સુરત ખાતે લઈ જવામાં આવ્યો હતો. જ્યાં તેનું સારવાર દરમિયાન મોત નીપજયું હતું. આ બનાવ અંગે પલસાણા પોલીસે ગુનો નોંધી આગળની કાર્યવાહી હાથ ધરી હતી.