સુરત જિલ્લાના બારડોલી તાલુકાનાં માંગરોલીયા ગામમાં એક આદિવાસી વિધવા મહિલાના કાચા મકાનની છતના નળિયા ભારે પવનમાં ઊડી ગયા હતા અને મકાન ધરાશય થઈ ગયું હતું. જોકે, સદનશીબે આ ઘટનામાં કોઈ જાનહાનિ થઈ ન હતી.

બારડોલી તાલુકાનાં માંગરોલીયા ગામમાં  રેલ્વે ફળિયાના હળપતિ વાસમાં રહેતી, બબલીબેન રાઠોડ નામની વિધવા મહિલાનું કાચું મકાન તૌકતે વાવાઝોડાની અસરને લઈ ધરાશય થઈ ગયું હતું. આ ઘટનાની જાણ થતાં ગ્રામ પંચાયત દ્વારા હાલ આ મહિલાને રહેવા માટેની વૈકલ્પિક વ્યવસ્થા કરવામાં આવી છે. જોકે, આ ઘટનામાં કોઈ જાનહાનિ થઈ ન હતી. મહિલાનું મકાન તૂટી પડવા અંગે ગ્રામ પંચાયત દ્વારા તાલુકા પંચાયતમાં લેખિત જાણ કરવામાં આવી છે.