પલસાણા તાલુકાનાં જોળવા ગામે સત્યમ કોમ્પ્લેક્ષમાં એક બંધ દુકાનમાં છુપાવવામાં આવેલ 33 હજારથી વધુનો વિદેશી દારૂનો જથ્થો સુરત એલસીબી પોલીસે ઝડપી પાડ્યો હતો. સુત્રો પાસેથી મળતી માહિતી અનુસાર, એલસીબી પોલીસ સ્ટાફનાં માણસો અલગ અલગ ટીમો બનાવી પેટ્રોલીંગમાં હતા. તે દરમિયાન ખાનગી રાહે બાતમી મળતા તેમણે પલસાણા તાલુકાનાં જોળવા ગામે મોરારી એસ્ટેટ એરીયા સત્યમ કોમ્પ્લેક્ષમાં ગ્રાઉંન્ડ ફ્લોરમાં બંધ પડેલ દુકાનમાં રેડ કરી હતી.

જોકે આ રેડમાં બંધ દુકાનમાંથી પોલીસે રૂપિયા 33,100/-કિંમતની 191 બોટલ ઝડપી પાડી હતી. આ વિદેશી દારૂનો જથ્થો લિસ્ટેડ બુટલેગર કાલુસિંગ દિલીપસિંગ રાજપૂત (રહે.મોરારી એસ્ટેટ સત્યમ એપાર્ટમેંટ મ.નં-105 જોળવા,જી.આઈ.ડી.સી) નાઓએ મંગાવ્યો હતો. પોલીસે તેને વોન્ટેડ જાહેર કરી ગુનો નોંધી આગળની કાર્યવાહી હાથ ધરી હતી.