સુરતનાં કડોદરા ખાતે આવેલ જયભારત ડાઇંગ પ્રિંટિંગ મિલમાં એક્ષપર્ટ ખાતામાં કામ કરતો કામદાર ઉપરના માળેથી નીચે પટકાતાં તેનું મોત નીપજયું હતું. મળતી માહિતી મુજબ પલસાણાનાં તાતીથૈયા ગામે આવેલ વી.કે.પાર્ક સોસાયટીમાં મકાન નંબર-107માં રહેતા અને મૂળ યુ.પીના વતની સતિષકુમાર શિવમુરતસિંહ સિંહ (ઉં.વ.40) જે ગુરુવારે કડોદરા ખાતે આવેલ જયભારત મીલમાં એક્ષપર્ટ ખાતામાં કામ કરી રહ્યા હતા. તે સમયે હાઇડ્રોલીક લીફ્ટ પાસે ઉપરના માળેથી આકસ્મિક રીતે નીચે પડી જતા તેઓને ગંભીર ઇજા પહોંચતા તેમનું મોત નીપજયું હતું. બનાવ અંગે કડોદરા પોલીસે અકસ્માત મોતનો ગુનો નોંધી આગળની કાર્યવાહી હાથ ધરી હતી.