સુરતના પલસાણાના બલેશ્વર ખાતે આવેલ અવધ સંગ્રીલાના બંગલોઝ નંબર-47માં પોલીસે છાપો માર્યો હતો. જ્યાં મહિલા અને પુરૂષો મળી કુલ 25 લોકો દારૂની મહેફિલ માણી રહ્યા હતા. પોલીસે તમામને રંગે હાથ ઝડપી પાડયા હતા. પોલીસે તેમની પાસેથી મોબાઈલ ફોન, વિદેશી દારૂની 142 બોટલ અને વાહનો મળી કુલ 27,30,050/-નો મુદ્દામાલ કબ્જે કર્યો હતો જયારે પોલીસે ઘરમાલિક હરેશ મોરડીયાને વોન્ટેડ જાહેર કર્યો હતો. વધુમાં, કૌશિક ગોવિંદ માયાણીએ સમગ્ર પાર્ટીનું આયોજન કર્યું હોવાનું સામે આવ્યું છે. જ્યારે બે મહિલાઓ બેંગકોકથી બિઝનેશ વિઝા પર આવી હતી. સમગ્ર મામલાની તપાસ જિલ્લા એલસીબીને સોંપવામાં આવી હોવાનું જાણવા મળ્યું હતું.