બારડોલી તાલુકાનાં બાબેન ગામે લેકસિટી સોસાયટીમાં આવેલ એક મકાનમાં મીટર પેટીમાં આગ લાગી હતી. અચાનક ધુમાડા સાથે આગ લાગતાં સ્થાનિકોએ ફાયરબ્રિગેડને જાણ કરતાં તેઓ તુરંત સ્થળ ઉપર પહોંચી આગ ઉપર કાબૂ મેળવ્યો હતો.

બનાવની વિગત એવી છે કે, બાબેન ગામે આવેલ લેકસિટી સોસાયટીનાં મકાન નંબર 133/134માં ગતરોજ બપોરના સમયે મીટર પેટીમાં અચાનક આગ લાગી હતી. આ આગ શોર્ટ સર્કિટના કારણે લાગી હોવાનું જાણવા મળે છે. મીટરમાંથી અચાનક ધુમાડા સાથે આગ લાગતાં સ્થાનિકોએ તુરંત બારડોલી ફાયર ઓફિસર પી.બી.ગઢવીને જાણ કરતાં તેમની ટીમ સાથે સ્થળ ઉપર પહોંચી આગ ઉપર કાબૂ મેળવ્યો હતો. જોકે આ આગમાં કોઈ જાનહાનિ થઈ ન હોવાનું જાણવા મળ્યું હતું.