સુરતના કતારગામ આંબા તલાવડી રોડ વિસ્તારમાં રહેતી પરિણીતાએ લગ્નના સવા વર્ષના સમયગાળામા ફાંસોખાઈ આપઘાત કરી લેવાના બનાવમાં પોલીસે પતિ અને સસરા સામે દુષ્પ્રેરણાનો ગુનો દાખલ કરી તપાસ હાથ ધરી છે.

કતારગામ પોલીસ સુત્રોના જણાવ્યા મુજબ, આંબા તલાવડી રોડ સંતોષીનગર સોસાયટીમાં રહેતા હેતલબેન હિરેનભાઈ દેવગમીયા (ઉ.વ.૨૩)એ ઘરેમાં છતના લોખંડના હુક સાથે સાડી વડે ફાંસો ખાઈ આપઘાત કરી લીધો હતો. બનાવ અંગે હેતલબેનના પરિવારજનો દ્વારા હિરેન બાબુભાઈ દેવગણીયા અને બાબુભાઈ દામજીભાઈ દેવગણીયા સામે ફરિયાદ નોધાવી હતી. જેમાં જણાવ્યુ હતું કે આરોપી હિરને અવાર-નવાર હેતલબેનને બીજે લફરુ હોવાનુ કહી ખોટા શક વહેમ રાખી હેરાન પરેશાન કરી અપમાનિત કરી ઘરમાંથી કાઢી મુકવાની ધમકી આપી શારીરીક માનસીક ત્રાસ આપતા કંટાળીને હેતલબેને આત્મહત્યા કરી હોવાનુ જણાવ્યું હતું.