ઉધનામાં ગત તા.૧૫મી સપ્ટેમ્બરના રાત્રે મજાક મસ્તીમાં થયેલા ઝઘડામાં બે મિત્રોએ એક જણાને પગ, પેટ, મોઢા અને કમરના ભાગે ઉપરા છાપરી ચપ્પુના ઘા ઝીકી ગંભીર ઇજા પહોંચાડી હતી.

સુત્રો પાસેથી મળતી માહિતી મુજબ, માન દરવાજા શાસ્ત્રીનગર ખાતે રહેતા અસ્ફાક ઈશાક શેખ (ઉ.વ.૩૪) નો ભાઈ અમરાન સાથે ગત તા.૧૫મી સપ્ટેમબરના રાત્રે દસેક વાગ્યે ઉધના ઓટો ગેરેજ પાસે શબ્બીર ઉફે કાલીયો ફતેહમોહમ્મદ શેખ અને ઝાફર ઉસ્માન શેખ સાથે મજાક મસ્તી કરતા ઝઘડો થયો હતો. જેમાં ઈમરાનને ઢોર મારમારી પગ, પેટ, મોઢા અને કમરના ભાગે ચપ્પુના ઉપરા છાપરી ઘા ઝીંકી નાસી ગયા હતા. ઈમરાનને લોહી લુહાણ હાલતમાં હોસ્પિટલમાં ખસેડવામા આવ્યો છે પોલીસે અસ્ફાકની ફરિયાદ લઈ બંને આરોપીઓ સામે હત્યાની કોશિષનો ગુનો દાખલ કરી તપાસ હાથ ધરી હતી.