બારડોલી તાલુકાનાં વાંકાનેર ગામે સુગર ફેક્ટરીના મજૂરોના પડાવમાં રહેતા 19 વર્ષીય યુવકે ગળે ફાંસો ખાઈ આત્મહત્યા કરી લીધી હતી.

સુત્રો પાસેથી મળતી માહિતી મુજબ, ડાંગ જીલ્લાના સુબીર તાલુકાના ગામાઘાણા ખાતે રહેતો 19 વર્ષીય હનેશ મહેશ લુઘુમ શેરડી કાપણીની મજૂરી માટે આવ્યો હતો અને વાંકાનેર ખાતે આવેલા પડાવમાં રહેતો હતો. હનેશે આમલીના વૃક્ષ સાથે ખાટલાની પાટી અને નાયલોનની દોરી બાંધી ગળે ફાંસો ખાઈ લીધો હતો. યુવકે કયા કારણોસર ફાંસો ખાધો તે કારણ હજી સુધી જાણી શકાયું નથી. આ બનાવ અંગે પોલીસે આકસ્મિક મોતનો ગુનો નોંધી આગળની તપાસ હાથ ધરી હતી.