ડિંડોલી વિસ્તારમાં રહેતી સગીરાને ઉત્તરાયણના દિવસે માતાએ હોમવર્ક કરવા બાબતે ઠપકો આપતા ઝેરી દવા પી આપઘાત કરી લીધો હતો.

ડિંડોલી પોલીસના જણાવ્યા મુજબ ડિંડોલી વિસ્તારમાં રહેતી 16 વર્ષીય વિદ્યાર્થીએ  ઉત્તરાયણના રોજ બપોરના ચારેક વાગ્યે ઝેરી દવા પી લેતા તેને અર્ધબેભાન હાલતમાં સારવાર માટે નવી સિવિલ હોસ્પિટલમાં ખસેડવામાં આવી હતી. ત્યાં ફરજ પરના ડોકટરે વિદ્યાર્થીને તપાસી મરણ જાહેર કરી હતી. વધુમાં વિદ્યાર્થીને તેની માતાએ હોમવર્ક કરવા બાબતે ઠપકો આપ્યો હતો તેનું ખોટુ લાગી જતા આપઘાત કર્યો હોવાનુ કહેવાય છે.