સુરત જિલ્લાના પલસાણા તાલુકાનાં નિયોલ ગામની સીમમાં આવેલ એક શેરડીના ખેતરમાંથી એલસીબી પોલીસે વિદેશી દારૂનો જથ્થો ઝડપી પાડ્યો હતો.

સુત્રો પાસેથી મળતી માહિતી અનુસાર, સુરત જિલ્લા એલસીબી પોલીસની ટીમ કડોદરા વિસ્તારમાં પેટ્રોલીંગમાં હતી. તે દરમિયાન મળેલ બાતમીના આધારે, નિયોલ ગામની સીમમાં મુલ્લા વગામાં આવેલ જગુભાઈ છોતુભાઈ પટેલના શેરડીના ખેતરમાં રેડ કરી હતી. તે સમયે શેરડીના ખેતરમાં સંતાડેલ વિદેશી દારૂની 96 બોટલ કિંમત રૂપિયા 48 હજારનો વિદેશી દારૂનો જથ્થો મળી આવ્યો હતો. જોકે, ઘટના સ્થળે કોઈ વ્યક્તિ હાજર મળી આવ્યો ન હતો. પોલીસે વિદેશી દારૂનો જથ્થો કબ્જે કરી આગળની કાર્યવાહી હાથ ધરી હતી.