નર્મદ યુનિવર્સિટી દ્વારા શરૂ થયેલી ઓફલાઇન પરીક્ષામાં પહેલા જ દિવસે 90 ટકાથી વધુ વિદ્યાર્થીઓએ હાજર રહી પરીક્ષા અપાવી હતી. તો પ્રથમ દિવસે જ સ્કવોડ દ્વારા તપાસ કરાતા સાત જેટલા ગેરરીતિના કેસો ઝડપાયા હતા.

 

 

 

 

કોરોનાની મહામારી શાંત થઇ રહી હોવાથી સ્કુલ-કોલેજમાં શિક્ષણકાર્ય શરૂ થવાની સાથે જ નર્મદ યુનિવર્સિટી દ્વારા ઓફલાઇન પરીક્ષા લેવાની શરૂઆત કરાઇ છે. પ્રથમ દિવસે બી.એ સેમ-6 અને એમ.એસ.સી સેમ-4ની પરીક્ષા હતી. 2 સેશનમાં લેવાયેલી પરીક્ષામાં અંદાજે 8500 જેટલા વિદ્યાર્થીઓ પરીક્ષા આપવા માટે નોંધાયા હતા. જેમાંથી 90 ટકા વિદ્યાર્થીઓએ પરીક્ષા આપી હતી.

 

 

 

 

પ્રથમ દિવસે જ ઓફલાઇન પરીક્ષા સાથે ગેરરીતિના કેસો ઝડપવા માટે બનાવાયેલી સ્કવોડે આજે અલગ-અલગ કોલેજોમાં જઇને તપાસ કરતા 7 વિદ્યાર્થીઓ ગેરરીતિ કરતા ઝડપાયા હતા. પ્રથમ દિવસે તમામ પેપરો સરળ રહ્યા હતા અને એક પણ સેન્ટર કે કોલેજ પરથી કોઇ પણ જાતની ફરિયાદો મળી નથી.