સુરત જિલ્લાના પલસાણા તાલુકાનાં બલેશ્વર ગામની હદમાંથી ફરી એકવાર પોલીસે કતલ કરવાના ઇરાદે લવાયેલ 9 ગૌવંશને ઉગારી લીધા હતા. જ્યારે આ ગૌવંશને લાવનાર વ્યક્તિઓ ભાગી છૂટ્યા હતા.  

સુત્રો પાસેથી મળતી માહિતી અનુસાર, પલસાણા પોલીસ સ્ટાફના માણસોને બાતમી મળતા તેમને બલેશ્વર ગામની હદના જંગલ વિસ્તારમાં આવેલ ખુલ્લી જગ્યામાં રેડ કરી હતી. તે દરમ્યાન ત્યાં કતલ કરવાના ઇરાદે લવાયેલ 9 ગૌવંશને દોરડા વડે બાંધેલ નજરે પડ્યા હતા અને ઘટના સ્થળેથી પોલીસે આ ગૌવંશને ઉગારી લીધા હતા આજથી 10 દિવસ અગાઉ પણ પલસાણા પોલીસે બલેશ્વર ખાતેથી 10 જેટલા ગૌવંશને ઉગારી લીધા હતા. ઉપરોક્ત ઘટનામાં કોઈ વ્યક્તિ હાજર મળી આવ્યા ન હતા પલસાણા પોલીસે ગૌવંશનો કબ્જો મેળવી ગુનો નોંધી આગળની તપાસ હાથ ધરી છે.