સુરતના કામરેજ તાલુકાના કોસમાડા ખાતેથી જાનકીવન ફાર્મમાંથી કામરેજ પોલીસે 17500 લિટર બાયોડીઝલ સાથે 5 જણાને ઝડપી પાડી કાયદેસરની કાર્યવાહી હાથ ધરી હતી. સુત્રો પાસેથી મળતી માહિતી અનુસાર, કામરેજ પોલીસે બાતમીના આધારે કામરેજના કોસમાડા ગામની સીમમાંથી વલથાણ નહેર પાસે જાનકીવન ફાર્મમાં મોડીરાત્રે સ્થળ પર રેડ કરતા ગેરકાયદેસર રીતે પ્રતિબંધિત બાયોડીઝલનું વેચાણ કરવામાં આવી રહ્યું છે અને ફાર્મમાંથી પોલીસને મોટી માત્રામાં બાયોડીઝલનો જથ્થો મળી આવ્યો હતો. પોલીસે ઘટના સ્થળેથી 5 જણાની ધરપકડ કરી હતી. જોકે પોલીસે ઘટના સ્થળેથી 8 જેટલી ટાંકીઓમાં ભરેલું 17500 લીટર બાયોડીઝલનો જથ્થો, એક મોટરસાયકલ, એક ટેમ્પો તેમજ રિફિલિંગ કરવા માટેનું મશીન મળી આવ્યા હતાં. પોલીસે કુલ 17 લાખથી વધુની કિંમતનો મુદ્દામાલ કબ્જે કરી આગળની કાયદેસરની કાર્યવાહી હાથ ધરી હતી.

1.પંકજ ધીરૂ બાભરોલિયા,

2.સાગર મનસુખ ઠુમ્મર,

3.પ્રવીણ મોહન સેનવા,

4.ચંદ્રેશ જયંતી ઠેસીયા અને

5.દર્શન મગન કાનાણી.