સુરતનાં સલાબતપુરા વિસ્તારમાં સાંજે સગીર ઘર નજીકના સુલભ શૌચાલયમાં ન્હાવા માટે ગયો હતો, ત્યારે તેની પાછળ જઈ સૃષ્ટિ વિરુદ્ધનું કૃત્ય કરનાર 20 વર્ષીય પરિચિત યુવકને સલાબતપુરા પોલીસે ગુનો નોંધી ધરપકડ કરી હતી. પોલીસ સુત્રો પસેથિએ મળતી માહિતી અનુસાર, સુરતના સલાબતપુરા તારવાડી મસ્જીદ વિસ્તારમાં રહેતા શ્રમજીવી પરિવારનો 15 વર્ષીય સગીર રવિવારનાં રોજ 4.30 વાગ્યાના અરસામાં ઘર નજીકના સુલભ શૌચાલયમાં ન્હાવા માટે ગયો હતો.

તે સમયે સગીરને અંદર જતો જોઈ તેના ઘર નજીક જ રહેતો અને પરિચિત સાહેલ ઉર્ફે સન્ની રાજેશભાઇ દંતાણી (ઉ.વ.20) પણ પાછળ આવ્યો હતો અને સગીર સાથે સૃષ્ટિ વિરુદ્ધનું કૃત્ય કર્યું હતું. જયારે સગીરની પાછળ યુવકને જતો જોઈ સુલભ શૌચાલયના વોચમેનને શંકા ગઈ હતી અને તેણે અંદર જઈ તપાસ કરતા સાહેલ ઉર્ફે સન્નીની કરતૂતની જાણ થઈ હતી.

બનાવ અંગે વોચમેને સગીરનાં પિતાને જાણ કરતા તેમણે પરિવારના સભ્યો સાથે ચર્ચા કર્યા બાદ મોડીરાત્રે સાહેલ ઉર્ફે સન્ની વિરુદ્ધ સલાબતપુરા પોલીસ મથકમાં ફરિયાદ નોંધાવતા પોલીસે તેની ધરપકડ કરી આગળની કાર્યવાહી હાથ ધરી હતી.