ઉધનાના અશોક સમ્રાટનગર પાસેથી પોલીસે બાતમીના આધારે બુટલેગર અને તેના સાળાને દેશી હાથ બનાવટના તમંચા સાથે ઝડપી પાડી આગળની કાર્યવાહી હાથ ધરી હતી.

ઉધના પોલીસના જણાવ્યા મુજબ, સર્વલન્સ સ્ટાફના માણસોએ મળેલી બાતમીના આધારે ગતરોજ ઉધના રોડ નં-9 અશોક સમ્રાટનગર પાસેથી  કૈલાશ અશોક મંગળે (ઉ.વ.30) અને તેના સાળા વિજય રમેશ સોલંકી (ઉ.વ.31) ના ઓને દેશી હાથ બનાવટના તમંચા સાથે ઝડપી પાડ્યો હતો. પોલીસે સાળા બનેવીની ધરપકડ કરી આગળની કાર્યવાહી હાથ ધરી છે. વધુમાં પોલીસ સુત્રોએ જણાવ્યું હતું કે, કૈલાશ અગાઉ સલાબતપુરા, સચીન જીઆઈઢડીસી, ખટોદરા અને ગોડદરામાં દારૂના ધંધામાં પકડાઈ ચુક્યો છે. બુટલેગર કૈલાશ તેના સાળા વિજયને તમંચો સાચવીને રાખવા માટે આવ્યો હતો અને તે વખતે પોલીસે બાતમી મળતા બંને જણાને ઝડપી પાડી કાયદેસરની કાર્યવાહી હાથ ધરી હતી.