સુરત એલસીબી પોલીસની ટીમ ગતરોજ પેટ્રોલીંગમાં હતી તે દરમિયાન ઘલા પાટિયા થઈ સુરત શહેરમાં એક કારમાં વિદેશી દારૂનો જથ્થો છુપાવી લઈ જનાર હોવાની બાતમી પોલીસને મળી હતી જે મળેલ બાતમીના આધારે પોલીસે ઘલા પાટિયા રોડ ઉપર વોચ ગોઠવી હતી. તે સમયે બાતમીવાળી એક હોન્ડા સિટી કાર નંબર એમએચ/01/વાયએ1146 આવતા જોઈ પોલીસે તેને અટકાવી કારમાં તપાસ હાથ ધરતા કારમાં બનાવેલ ચોરખાનું મળી આવ્યું હતું અને તેમાં છુપાવેલ વિદેશી દારૂની કુલ 283 બોટલ પણ મળી આવીએ હતી જેની કિંમત રૂપિયા 55,250/- હતી.

જોકે પોલીસે કાર સવાર 2 યુવકોને ઝડપી પાડી તેમના નામ પૂછતા, મોહમદસાહીદ હબીબુલહક્ક અંસારી (રહે.રામપુરા,છરાવલ મહોલ્લો,સુરત) અને રવિ અશોકભાઇ રાઠોડ (રહે.ફૂલવાડી,સુરત)ના ઓને ઝડપી પાડી પોલીસે કાર તેમજ વિદેશી દારૂ અને મોબાઈલ મળી કુલ રૂપિયા 2.10 લાખનો મુદ્દામાલ કબ્જે કરી કય્દેસની કાર્યવાહી હાથ ધરી હતી.