સુરત જિલ્લા એસઓજી પોલીસે કડોદરા ચાર રસ્તા બ્રિજ નજીકથી ચોરીની બાઇક સાથે એક ઈસમને ઝડપી પાડ્યો હત જયારે પોલીસે 35 હજારની બાઇક કબ્જે કરી એક ઈસમને વોન્ડેટ જાહેર કર્યો હતો.

સુત્રો પાસેથી મળતી માહિતી અનુસાર, સુરત જિલ્લા એસઓજી પોલીસની ટીમ પેટ્રોલીંગમાં હતી. તે દરમિયાન તેઓને મળેલ બાતમીના આધારે, કડોદરા ચાર રસ્તા બ્રિજ નીચે એક ઈસમ ચોરીની બાઇક સાથે ઉભેલ છે. જે બાતમીના આધારે એસઓજી પોલીસની ટીમ સ્થળ પર પહોંચી હતી અને બાતમી મુજબના ઈસમને સ્પ્લેન્ડર મોટરસાઈકલ નંબર જીજે/19/એએન/5340 સાથે ઝડપી પાડ્યો હતો અને પૂછપરછ દરમિયાન તેને પોતાનું નામ રાજૂ ઉર્ફે કાળિયો સાહિદ શેખ (રહે.કામરેજ,ગુરુકૃપા સોસાયટી,) હોવાનું જણાવ્યુ હતું અને તેને આ ચોરીની બાઇક મોહમદઉજાલે મોહમદઅકીલ અન્સારી (રહે.વરેલી,તા.પલસાણા) પાસેથી 5 હજાર રૂપિયામાં ખરીદી હતી પોલીસે 35 હજારની કિંમતની બાઇક કબ્જે કરી મોહમદ અન્સારીને વોન્ડેટ જાહેર કર્યો હતો.