માંગરોળ તાલુકાના મોટી પારડી ગામ ના સરપંચ બે કરતા વધુ બાળકો ધરાવતાં હોય માંગરોળ તાલુકા વિકાસ અધિકારીએ રજૂઆતના સંદર્ભે ખરાઈ કર્યા બાદ જિલ્લા વિકાસ અધિકારીને પત્ર લખી સરપંચને ગેરલાયક ઠેરવવા બાબતે યોગ્ય કાર્યવાહી કરવા વિનંતી કરી હોવાનું જાણવા મળે છે.

પ્રાપ્ત વિગતો મુજબ માંગરોળ તાલુકા ના મોટી પારડી ગામ ના સરપંચ કિરપાલ રામુભાઈ વસાવા વિરુદ્ધ એવો બે કરતા વધુ બાળકો ધરાવતા હોવાનું ગામના જ નાગરિક ગિરિરાજ સિંહ એમ પરમારે ગામ પંચાયતના તલાટી કમ મંત્રીને લેખિતમાં રજૂઆત કરી હતી તલાટી કમ મંત્રીના પત્ર બાદ તેઓએ તાલુકા વિકાસ અધિકારી માંગરોળ ને ફરિયાદ સંદર્ભમાં જણાવતા તે અંગેનું તાલુકા વિકાસ અધિકારીએ ખરાઈ કર્યા બાદ મોટી પારડી માંગરોળના સરપંચને ગુજરાત પંચાયત અધિનિયમ 1993 કલમ (30) હેઠળ ગેરલાયક ઠેરવવા બાબતે યોગ્ય કાર્યવાહી કરવા વિનંતી કરતો જિલ્લા વિકાસ અધિકારીને પત્ર લખતા ખળભળાટ મચી ગયો છે.