પ્રભાસની આગામી ફિલ્મ ‘સાલારે’ રિલીઝ પહેલા જ રૂપિયા 800 કરોડની કમાણી કરી લીધી હોવાનું કહેવાય છે. ‘સલાર’નું ટીઝર રિલીઝ થયા પછી તેને મળેલા વ્યુસના આધારે આ ફિલ્મ બોક્સ ઓફિસ રેકોર્ડ તોડશે તેવી આશા બંધાતા જ ફીલ્મે પ્રી-રિલીઝ કમાણી કરી લીધી છે. પ્રભાસની સાલાર ફિલ્મે રિલીઝ પહેલા જ તેના  ડિજિટલ રાઇટસ, થિયરેટિકલ રાઇટસ અને મ્યુઝિક રાઇટસ વેંચીને તગડી કમાણી કરી છે. ઓવરસીઝ રાઇટસ માટે જ 80 કરોડ રૂપિયા મળ્યા હોવાનું કહેવાય છે ભારતમાં રિલીઝ કરવાના રાઇટસ માટે સલાર ફિલ્મને રૂપિયા 500 કરોડની કમાણી થઇ જવાની છે. એક રિપોર્ટમાં દાવો કરવામાં આવ્યો છે કે, આ ફિલ્મે આંધ્રપ્રદેશ અને તેલાંગનામાંથી રૂપિયા 200 કરોડની કમાણી કરી લીધી છે. ‘સલાર’નાં ડિજિટલ રાઇટસ 200 કરોડ રૂપિયામાં વેંચાયા છે. પ્રભાસની સલાર ફિલ્મ 28 સપ્ટેમ્બર, 2023નાં રોજ રિલીઝ થવાની છે.