જિલ્લા એલસીબી પોલીસ સ્ટાફના માણસોને મળેલ બાતમીના આધારે મંગળવારે સોનગઢના નવા આરટીઓ ચેક પોસ્ટ પાસે વોચ ગોઠવી હતી દરમિયાન ઉચ્છલ તરફથી આવતી એક એકટીવા મોપેડ ગાડી નંબર જીજે/05/એસઈ/8446 ને અટકાવી ગાડીના ચાલકની પૂછ પરછ કરતા તેણે પોતાનું નામ રાહુલભાઈ રાજેન્દ્રભાઈ પાટીલ રહે, ઘર નંબર-47,ગૌરી નગર, હિન્દી સ્કુલની સામે પાંડેસરા-સુરત મૂળ રહે, પારોડા ગામ તા.પારોડા જી.જલગાંવ-મહારાષ્ટ્ર નાનો હોવાનું જણાવ્યું હતું.

એલસીબીએ એકટીવા ગાડીમાં તપાસ કરતા ગાડીમાં બનેલ ચોર ખાનામાંથી ઈંગ્લીશદારૂ કુલ બાટલીઓ નંગ 109 જેની કિંમત રૂપિયા 4,110/-નો પ્રોહી મુદ્દામાલ મળી આવ્યો હતો. આ બનાવમાં એકટીવા ગાડીમાં ચોરખાનું બનાવી દારૂની હેરાફેરી કરતો રાહુલ પાટીલ પાસેથી 5 હજારનો એક મોબાઈલ ફોન, રૂ.4,110/-નો દારૂ તેમજ 30 હજારની ગાડી મળી કુલ રૂપિયા 39,110/- નો મુદ્દામાલ કબજે કરી સોનગઢ પોલીસ મથકે ગુનો નોંધવામાં આવ્યો હતો.