સોનગઢ-ઉકાઈ માર્ગ પર આવેલ કેલ્સ હોટલ પાસેથી પુર ઝડપે બાઈક હંકારી લઈ આવતા શેરુલા ગામના એક બાઈક ચાલકને ઝડપી પાડી તેની વિરુદ્ધ કાયદેસરની કાર્યવાહી હાથ ધરી હતી.

સોનગઢના ઉકાઈ પોલીસ સ્ટાફના માણસો સોનગઢ-ઉકાઈ માર્ગ પર આવેલ કેલ્સ હોટલ પાસે વાહનચેકિંગમાં હતા તે દરમિયાન એક બાઈક નંબર જીજે/26/એસી/1391 નો ચાલક હરીશભાઈ કુવરજીભાઈ ગામીત રહે, બાવલી ફળિયું, સેરૂલા ગામ તા.સોનગઢ નાનો રોડ ઉપર આવતા જતા વાહન ચાલકોની તેમજ પોતાની જાન જોખમાય તે રીતે પોતાની કબજાની બાઈક પુર ઝડપે અને ગફલતભરી રીતે હંકારી લઈ આવતા પોલીસ ચેકિંગમાં ઝડપાઈ ગયો હતો. બનાવ અંગે પોલીસ કોન્સ્ટેબલની ફરિયાદના આધારે બાઈક ચાલક વિરુદ્ધ કાયદેસરની કાર્યવાહી હાથ ધરવામાં આવી હતી.