સોનગઢના ઉકાઈમાં જાહેરનામાનો ભંગ બદલ એક રીક્ષા ચાલક સામે પોલીસ દ્વારા કાયદેસરની કાર્યવાહી હાથ ધરવામાં આવી હતી.

 

 

 

 

કોરોના વાયરસના ઝડપી સંક્રમણને ધ્યાને લેતા તકેદારીના ભાગરૂપે વધુ અવરજવર વાળા જાહેર અને ખાનગી સ્થળોએ વાયરસને ફેલાતો અટકાવવા જીલ્લા મેજિસ્ટ્રેટ દ્વારા એક જાહેનામું બહાર પાડવામાં આવ્યું છે. જેના અનુસંધાને સોનગઢ તાલુકાના ઉકાઈ પોલીસ સ્ટાફના માણસો પોલીસ સ્ટેશનના વિસ્તારમાં પેટ્રોલિંગમાં નીકળ્યા હતા તે દરમિયાન ઉકાઈમાં જીવન સાધના પાસે-રોડ ઉપર એક રીક્ષા નંબર જીજે/26/ડબ્લ્યુ/0944 ને ઝડપી પાડી તપાસ કરતા રીક્ષામાં બેસતા પેસેન્જરો તથા રીક્ષા ચાલક વચ્ચે સેફ ડીસ્ટન્સ સુધ્ધા ન હતું.

 

 

 

 

આ બનાવ અંગે પોલીસ કોન્સ્ટેબલ અજયભાઈની ફરિયાદના આધારે રીક્ષા ચાલક વસીમભાઈ ખટીક રહે, વર્કશોપ બજાર,ઉકાઈ તા.સોનગઢનો ના વિરુદ્ધ જીલ્લા મેજિસ્ટ્રેટના જાહેરનામાનો ભંગ બદલ ગુનો દાખલ કરી કાયદેસરની કાર્યવાહી હાથ ધરવામાં આવી હતી.(ફોટો,કલ્પેશ વાઘમારે-ઉકાઈ)