સુરતના મહુવા તાલુકામાં એક મોટું માર્કેટ તરીકે વિકસી રહેલા વાંસકુઈ ગામે ચોકડી પર આવેલી એમ.આર.એફ. ટાયર કંપનીની ટાયર વેચતી પ્રિન્સ નામની દુકાનના તાળા તોડીને રાત્રીના દોઢ વાગ્યાના સમયે અંદર ઘૂસેલા તસ્કરો દ્વારા દોઢ લાખ રૂપિયાની મતાની ચોરી કરી ગયાનો બનાવ બન્યો હતો.

ચોરી કરવા આવેલી તસ્કર ગેંગના સાગરીતો સીસીટીવી કેમેરામાં કેદ થયા છે. જોકે તસ્કરોએ મોઢે રૂમાલ અને માથે ટીપો ઓઢી હોવાથી ચહેરા સ્પષ્ટ દેખાતા નથી. ચોરીની આખી ઘટના સીસીટીવી કેમરામાં કેદ થઈ છે. આ પ્રિન્સ નામની દુકાનમાંથી રૂપિયા દોઢ લાખની ચોરી થઈ ગઈ હોવાનું જાણવા મળે છે. વાંસકુઈ ચોકડી પર જ ચોરીનો બીજો બનાવ કપડાની દુકાનમાં બન્યો છે. બ્રુસ ટ્રેન્ડ નામની કપડા વેચતી દુકાનમાં તાળા તોડીને તસ્કરો ૩૦૦ જોડી કપડા ચોરી કરી ગયા છે. દુકાનમાં ચોરી કરતી તસ્કર ગેંગ પણ આ સીસીટીવી કેમેરામાં કેદ થઈ છે. બનાવ અંગે જાણ થતા પોલીસે તપાસ હાથ ધરી હતી.