પ્રધાનમંત્રી નરેંદ્ર મોદીનો ગુજરાત પ્રવાસ હંમેશા કંઈક ખાસ બની જાય છે. આ વખતે તેમનો ગુજરાત પ્રવાસની એક ખૂબ જ સુંદર તસવીર સામે આવી છે. આ તસવીરમાં પ્રધાનમંત્રી પોતાના ચાહનારાઓના ઘેરામાં નહી, પંરતુ તે વ્યક્તિને મળી રહ્યા છે, જેમણે નાનપણમાં તેમને ભણાવ્યા હતા. 

આ તસવીર નવાસારી ની બતાવવામાં આવી રહી છે, જ્યાં પ્રધાનમંત્રી નરેંદ્ર મોદીએ પોતાની સ્કૂલના શિક્ષક સાથે મુલાકાત કરી હતી. તેમની સ્કૂલના શિક્ષકનું નામ જગદીશ નાઈક છે. હાલ જગદીશભાઈની ઉંમર  ૮૮ વર્ષની છે, તેઓ હાલ તાપી જિલ્લાના વ્યારા ખાતે લક્ષ્મીપાર્ક સોસાયટીમાં રહેતા હોવાનું જાણવા મળ્યું છે. પ્રધાનમંત્રી આ તસવીરમાં પોતાના શિક્ષકને બંને હાથ જોડીને પ્રણામ કરી રહ્યા છે, જ્યારે તેના પહેલાના સ્કૂલના શિક્ષક તેમના માથા પર હાથ રાખીને તેમને આર્શીવાદ આપી રહ્યા છે.

...