સુરત શહેરમાં ચરસ ગાંજો જેવા માદક પદાર્થો સાથે અનેક લોકો પકડાયાં છે અને શહેરમાં ધીમે ધીમે ગેરપ્રવૃત્તિનું દૂષણ વધી રહ્યું છે. જેને લઈ ફરી વધુ એકવાર 35 હજારના ચરસ ગાંજાના જથ્થા સાથે પોલીસ પુત્રને ઝડપી પાડી કાયદેસરની કાર્યવાહી હાથ ધરી હતી. ‘નો ડ્રગ્સ ઇન સુરત સીટી’ આ અભિયાન અંતર્ગત સુરત પોલીસ ડ્રગ્સના દૂષણને તેમજ ચરસ અને ગાંજા જેવી ગેરપ્રવૃતિઓને ડામવા માટે સતત કાર્યશીલ બની છે. તેવી જ એક ઘટના ઉમરા પોલીસ મથક હદ વિસ્તારમાં બની છે. ઉમરા પોલીસે બાતમીના આધારે એક પોલીસ પુત્રને 35 હજારના ચરસ અને ગાંજા સાથે ઝડપી પાડ્યો હતો.