બારડોલી તાલુકાના મઢી ગામની સીમમા ચંપા ફળીયામાંથી કાંટી ફળીયા જતા રોડ ઉપર આવેલ હનુમાન મંદિરની સામે ખાડી કિનારે ખુલ્લી જગ્યામા જાહેરમાં સુરાલી ખાતે રહેતો ભુરેખાન પઠાણ નામનો ઈસમ પોતાના માણસો રાખી મુંબઈથી નીકળતા વરલી મટકાના આંકો ઉપર આવતા જતા રાહદારીઓ પાસેથી પૈસાવતી જુગાર રમી રમાડતો હોવાની બાતમી મળતા ત્યાં જિલ્લા ગ્રામ્ય એલસીબી પોલીસ ટીમ રેડ કરી હતી. ત્યાં આંકડો વલણ લખનાર આરોપીઓ વિજયભાઈ મનહરભાઈ રાઠોડ રહે.મઢી સુરાલી સિગન્લ ફળીયુ તા.બારડોલી જી.સુરત), ભરત મગન ચૌધરી (રહે.સુરાલી નવી વસાહત તા.બારડોલી જી.સુરત)ની ધરપકડ કરી, ભુરેખાન મેહતાબ પઠાણ (રહે. સુરાલી ગામ તા. બારડોલી)ને વોન્ટેડ જાહેર કર્યો છે. પોલીસે સ્થળ પરથી રોકડા રૂા.૧૪,૭૩૦ અને અન્ય સાધનો પોલીસે કબજે કર્યા છે.