સોનગઢ સહિત જીલ્લાભરમાં દારૂનું ધૂમ વેચાણ કરવામાં આવી રહ્યું છે. જોકે પોલીસે પણ દારૂના અડ્ડાઓ પર રેડ કરી કસુરવારો સામે કાયદેસરની કાર્યવાહી હાથ ધરી છે. સોનગઢમાં શનિવારે સ્થાનિક પોલીસ અને જીલ્લા એલસીબીએ દારૂના જુદાજુદા અડ્ડાઓ પર રેડ કરી ચાર મહિલાઓ સહીત કુલ 6 જણા સામે પ્રોહીબીશન એક્ટ હેઠળ ગુનો નોંધાયો હતો.

 

 

 

 

રાણીઆંબા ગામના સાવર ફળીયામાં આવેલ એક ઘરમાં રેડ કરી હતી રેડ દરમિયાન ઘરમાં તપાસ કરતા ફ્રીજના આઈસ બોક્સમાંથી ઈંગ્લીશ દારૂ બીયરના ટીન નંગ 2 ના પ્રોહી મુદ્દામાલ સાથે પ્રેમિલાબેન નવીનભાઈ ગામીત નામની મહિલાને સોનગઢ પોલીસની રેડમાં ઝડપી પાડવામાં આવી હતી.

 

 

 

 

કીકાકુઈ ગામના દક્ષિણી ફળીયામાં આવેલ ઘર માંથી મળી આવેલ દેશીદારૂના મુદ્દામાલ સાથે દાનુબેન નવીનભાઈ ગામીત અને જુલીતાબેન વિપુલભાઇ ગામીત નામની બે મહિલાઓને જિલ્લા એલસીબી પોલીસની બે જુદીજુદી રેડમાં ઝડપી પાડવામાં આવી હતી.

 

 

 

 

ડોસવાડા ગામના દાદરી ફળીયામાં આવેલ ઘરમાં પોલીસે રેડ કરી હતી. દરમ્યાન પોલીસે ઘરમાં તપાસ કરતા ઘરના પાછળના ભાગે એક ખૂણામાં સંતાડેલો દેશીદારૂ સુંગધી સંતરાની 13 જેટલી બાટલીઓના મુદ્દામાલ સાથે બચુભાઈ ગોમાભાઈ ગામીતને સોનગઢ પોલીસને રેડમાં ઝડપી પાડવામાં આવ્યો હતો.

 

 

 

 

ચીખલી ભેંસરોટ ગામના દાદરી ફળિયામાંથી દેશીદારૂના મુદ્દામાલ સાથે હીરાભાઈ રૂપલાભાઈ ગામીત નામના ઇસમને પોલીસે ઝડપી પાડ્યો હતો.

 

 

 

 

ઉકાઈના 36 ક્વાટર્સ માંથી દેશીદારૂના મુદ્દામાલ સાથે શાંતાબેન રાજુભાઈ ગામીત નામની મહિલાને ઉકાઈ પોલીસની રેડમાં ઝડપી પાડવામાં આવી હતી. બનાવ અંગે પોલીસકર્મીઓની ફરિયાદના આધારે જુદીજુદી રેડમાં ઝડપાયેલા કસુરવારો સામે કાયદેસરની કાર્યવાહી હાથ ધરવામાં આવી હતી.(ફોટો-યુવરાજ પ્રજાપતિ-સોનગઢ)