સોનગઢના શિવાજી નગરમાં ચાલતા દારૂના અડ્ડા પર સોનગઢ પોલીસ દ્વારા રેડ કરવામા આવતા ૪૩ હજારના ઈંગ્લીશદારૂના મુદ્દામાલ સાથે મહિલા બુટલેગરને ઝડપી પાડવામાં આવી હતી.જયારે સિકંદર નામના બુટલેગરને વોન્ટેડ જાહેર કરવામાં આવ્યો હતો,મળતી માહિતી અનુસાર એએસઆઈ સોમનાથભાઈ સંભાજીભાઈને મળેલ પાક્કી બાતમીના આધારે સોનગઢના શિવાજીનગરમાં દરોડા પાડ્યા હતા જેમાં મીનાબેન અશ્વિનભાઇ સુભાષભાઇ વળવીના મકાનમાં આવેલ રસોડામાં ત્રણ ખાખી પુઠાના બોક્ષમાં તથા બે મિણીયાના કોથળામાં ભારતિય બનાવટનો વિદેશીદારૂની અલગ અલગ બ્રાંડની બાટલી નંગ ૩૦૩ મળી કુલે ૫૦ લીટર ૧૫૫ મી.લીટર મળી કુલ્લે કિં.રૂ.૪૩,૪૪૦/- નો મુદ્દામાલ સાથે મહિલા બુટલેગરને ઝડપી પાડી હતી. આ બનાવમાં સિકંદર ઉર્ફે સુકનજી શાંતુજી ગામીત રહે,સોનગઢ શિવાજીનગર-સોનગઢ નો એકટીવા ગાડી પર આવી દારૂનો જથ્થો આપી ગયો હોય તેને વોન્ટેડ જાહેર કરી મહિલા બુટલેગર સહિત બે જણા સામે સોનગઢ પોલીસ મથકે ગુનો દાખલ કરી આગળની વધુ તપાસ હાથ ધરવામાં આવી છે.

એએસઆઈ સોમનાથભાઈ સંભાજીભાઈને મળેલ બાતમીના આધારે દરોડા પાડવામાં આવ્યા હતા.