વલસાડ સીટી પોલીસ સ્ટાફના માણસો પેટ્રોલીંગમાં હતા તે સમયે મળેલ બાતમીના આધારે વર્ષ-2022ની વેલકમ પાર્ટી સૂર્યદર્શન સોસાયટીના એક બંગલામાં રાખવામાં આવી હતી. જે બાતમીના પોલીસે બાતમી વાળી જગ્યા સૂર્યદર્શન સોસાયટીના એન રોડ ઉપર આવેલ હિતેશ બલસારાના બંગલામાં જઈ રેડ કરી બંગલાના હોલમાં દારૂની મહેફિલ માણતા 8 ઇસમોને ઝડપી પાડ્યા હતા. જોકે પોલીસ રેડમાં સીટી પોલીસે બીએમડબ્લ્યુ સહિત 4 કાર અને 8 મોબાઈલ ફોન કબ્જે કરી કુલ રૂપિયા 56.34 લાખનો મુદ્દામાલ કબ્જે કરી પોલીસે તમામ વિરુદ્ધ ગુનો નોંધી આગળની વધુ તપાસ હાથ ધરી હતી.