ગાંધીનગરમાં સેક્ટર-24માં રહેતી યુવતિ ATMમાં રૂપિયા ઉપાડવા પહોંચી ત્યારે ગઠિયા દ્વારા તેનો વિશ્વાસ કેળવીને ATMનો પીન નંબર મેવવીને કાર્ડ બદલી દેવામાં આવ્યું હતું ત્યારબાદ તેણીના ATM કાર્ડ દ્વારા 43 હજાર રૂપિયાની ઉઠાંતરી કરી લેવામાં આવી હતી. જે સંદર્ભે સેક્ટર-21 પોલીસે વધુ તપાસ હાથ ધરી છે.

ગાંધીનગરનાં શહેરના સેક્ટર-24 હરસિધ્ધનગરમાં રહેતી અને મેનેજમેન્ટ કંપનીમાં રિસેપ્સનીસ્ટ તરીકે કામ કરતી યુવતિ પ્રિયંકા જીતેન્દ્રકુમાર સોલંકી ગત તારીખ 12 ઓક્ટોબરના રોજ સાંજના સમયે ઘર નજીક આવેલ ATMમાં રૂપિયા ઉપાડવા માટે ગઇ હતી આ દરમ્યાન મશીનમાંથી રૂપિયા નહીં ઉપડતા બહાર ફરી રહેલા એક શખ્સે વિશ્વાસમાં લઇને રૂપિયા ઉપાડી આપવાનું કહ્યું હતું અને તેણી પાસે ATMનો પીન નંબર નંખાવ્યો હતો તેમ છતા રૂપિયા ઉપાડયા ન હતા જેથી આ શખ્સે બેલેન્સ ચેક કરવા માટે કહ્યું હતું આ દરમ્યાન યુવતિની બેન બહાર હોવાથી બહાર એક વૃધ્ધે બેગ લઇ લેવા માટે કહ્યું હતું. તે દરમ્યાન આ શખ્સે યુવતિનું ATM કાર્ડ બદલી નાંખ્યું હતું અને અન્ય કાર્ડ આપી દીધું હતું યુવતિ ઘરે પહોંચી ત્યારે તેના કાર્ડમાંથી મહેસાણાના લાંઘણજ ATMમાંથી 43 હજાર રૂપિયા ઉપડી ગયાનો મેસેજ આવ્યો હતો અને તેણીએ ચેક કરતા તેની પાસે રહેલું આ કાર્ડ શ્યામુ એન્ડ વર્મા નામનું હોવાનું બહાર આવ્યું હતું. જેના પગલે પોલીસે તેની સામે ગુનો દાખલ કરીને વધુ તપાસ શરૂ કરી છે.