સુરતના સાયબર ક્રાઈમ પોલીસે ઉધનાના લબરમુછીયાના મોબાઈલ ફોનમાંથી ચાઈલ્ડ પોર્નોગ્રાફીના 9 વિડીયો મળતા તેના વિરુદ્ધ ગુનો નોંધી તેની ધરપકડ કરી હતી. મૂળ ઉત્તરપ્રદેશનો રમજાન વકીલ સુરતમાં તેના મામા સાથે રહી કાપડ ઉપર વર્કની મજૂરી કરે છે. સાયબર ક્રાઈમ પોલીસ મથકના સૂત્રો દ્વારા પ્રાપ્ત થતી વિગતો મુજબ, સાયબર ક્રાઈમ પોલીસે રમજાન મોહમદ વકીલ (ઉ.19 વર્ષ 6 માસ, રહે.પ્લોટ નં.88, પટેલ નગર, નેશનલ બેકરીની બાજુમાં,આશાપુરીની પાસે,ઉધના) નાની અટકાયત કરી તેના મોબાઈલ ફોનની ચકાસણી કરતા તેમાંથી ચાઈલ્ડ પોર્નોગ્રાફીના 9 વિડીયો મળ્યા હતા. આથી સાયબર ક્રાઈમ પોલીસે તેના વિરુદ્ધ ગુનો નોંધી ધરપકડ કરી તેનો મોબાઈલ ફોન કબ્જે કર્યો હતો.